College News

ചരിത്ര നോവലുകൾ മലയാളത്തിൽ - മാർത്താണ്ഡ വർമ്മ മുതൽ പാപസ്നാനം വരെ. മലയാളവിഭാഗവും സാഹിത്യ പ്രവർത്തക സഹകരണസംഘവും സംയുക്തമായി സെമിനാറും സാഹിത്യസംവാദവും സംഘടിപ്പിച്ചു.  "ചരിത്രവും ഭാവനയും' എന്ന സംവാദവിഷയം നോവലിസ്റ്റ്‌ ശ്രീ. രാമചന്ദ്രൻ അവതരിപ്പിച്ചു. രണ്ടാം ഘട്ടത്തിൽ ചരിത്ര നോവലുകൾ മലയാളത്തിൽ - മാർത്താണ്ഡ വർമ്മ മുതൽ പാപസ്നാനം വരെ എന്ന വിഷയത്തിൽ ശ്രീ ടി എം എബ്രഹാം പ്രബന്ധം അവതരിപ്പിച്ചു. പ്രൊഫ. എം.കെ. സാനു, ശ്രീ പോൾ മണലിൽ ,ശ്രീ ബി ശശികുമാർ എന്നിവർ സംസാരിച്ചു. 

എന്നും തളിർക്കുന്ന ഹോർത്തുസ് മലബാറിക്കസ് ചരിത്രം, സസ്യശാസ്ത്രം എന്നീ വിഭാഗങ്ങളും മലയാളവിഭാഗവും ചേർന്നു സംഘടിപ്പിച്ച സെമിനാറിൽ ഡോ. ബി. ഇഖ്ബാൽ വിഷയാവതരണം നടത്തി. 

ബെഞ്ചമിൻ ബെയിലിയും പ്രവർത്തന മേഖലകളും     ബെഞ്ചമിൻ ബെയ്ലി സ്റ്റഡിസെന്ററും മലയാള വിഭാഗവും ചേർന്നു സംഘടിപ്പിച്ച ദേശീയ സെമിനാർ ജോസഫ് ഫെൻ ഹാളിൽ നടന്നു. മഹാത്മ ഗാന്ധി യൂണിവേഴ്‌സിറ്റി വൈസ് ചാൻസലർ ഡോ. ബാബു സെബാസ്റ്റ്യൻ ഉദ്‌ഘാടനം നിർവഹിച്ചു. ഡോ. കെ കെ എൻ കുറുപ്പ് മുഖ്യ പ്രഭാഷണം നടത്തി. ഡോ. കെ.എച്ച് ഹുസൈന്‍, ഡോ. എ. ജി. ശ്രീകുമാര്‍, ഡോ. സ്കറിയാ സക്കറിയ, ഡോ. ഷാജി ജേക്കബ്‌, ഡോ. വി എസ് ലക്ഷ്മി എന്നിവർ [...]

  ദൃശ്യകലയുടെ സാംസ്കാരിക പരിപ്രേക്ഷ്യം   മലയാളവിഭാഗത്തിന്റെ നേതൃത്വത്തിൽ നടന്ന സെമിനാർ കേരള കലാമണ്ഡലം കല്പിത സർവകലാശാല മുൻ വൈസ് ചാൻസലർ ഡോ. കെ ജി പൗലോസ്‌ ഉദ്‌ഘാടനം ചെയ്തു. ഡോ. കെ ജി പൗലോസ്‌ , ഡോ. ബി. രവികുമാർ,ഡോ. രാജാ വാരിയർ , ഡോ. പി. എം. ഗിരീഷ്  എന്നിവർ മുഖ്യപ്രബന്ധങ്ങൾ അവതരിപ്പിച്ചു. വിവിധ കോളേജുകളിലെ അദ്ധ്യാപകരും ഗവേഷകരും പ്രബന്ധങ്ങള്‍ അവതരിപ്പിച്ചു.

കോളിൻസ് സ്മാരക പ്രഭാഷണം     2017 ലെ കോളിൻസ് സ്മാരക പ്രഭാഷണം മാർച്ച് 20 നു നടന്നു. പ്രശസ്ത സാഹിത്യകാരൻ ശ്രീ. സി. വി. ബാലകൃഷ്ണൻ 'സാഹിത്യവും സിനിമയും ' എന്ന വിഷയത്തിൽ പ്രഭാഷണം നടത്തി. 

കഥകളി സംഗീതിക   സി എം എസ് കോളേജിന്റെ ദ്വിശതാബ്ദി ആഘോഷങ്ങളുടെ ഭാഗമായി മലയാളവിഭാഗവും സ്വാതിക്ഷേത്രം അക്കാദമിയും ചേർന്നു കഥകളി സംഗീതിക സംഘടിപ്പിച്ചു. പ്രൊഫ. ഈ എൻ കേരളവർമ്മ ആമുഖപ്രഭാഷണം നടത്തി. ശ്രീ കോട്ടക്കൽ മധുവും സംഘവും കഥകളിപ്പദ കച്ചേരി അവതരിപ്പിച്ചു. 

പ്രഭാഷണവും പരിശീലന ക്ലാസും. : സർഗാത്മകതയ്ക്ക് ഒരു ആമുഖം മലയാളവിഭാഗത്തിലെ കുട്ടികൾക്കായി സർഗാത്മകതയ്ക്ക് ഒരു ആമുഖം എന്ന വിഷയത്തിൽ ഡോ. വേണുഗോപാൽ (ഭാഷാപോഷിണി സബ് എഡിറ്റർ )പ്രഭാഷണം നടത്തി. ഷാർലെറ്റ്, ജ്യോതിർമയി എന്നിവരുടെ നേതൃത്വത്തിൽ ക്രിയേറ്റിവിറ്റി ക്ലാസ്സുകളും നടന്നു.   

സാംസ്കാരജാലകം വിജ്ഞാനപരീക്ഷ   മലയാളവിഭാഗം എല്ലാ വർഷവും നടത്തുന്ന ഡിസി - സി എം എസ് സാംസ്കാരജാലകം വിജ്ഞാനപരീക്ഷ ജനുവരി 18 ന് ന്യൂ സെമിനാർ ഹാളിൽ നടന്നു. പ്രിൻസിപ്പൽ ഡോ. റോയ് സാം ഡാനിയേൽ ആദ്യ ചോദ്യം ചോദിച്ചുകൊണ്ട് ഉദ്‌ഘാടനം ചെയ്തു. വിവിധ കോളേജുകളിൽ നിന്നായി നൂറോളം കുട്ടികൾ പങ്കെടുത്തു കുറവിലങ്ങാട് ദേവമാതാ കോളേജിലെ നയൻതാര സിബി ഒന്നാം സ്ഥാനം  നേടി.

പ്രഭാഷണം:ഒ വി വിജയന്റെ സാഹിത്യപ്രപഞ്ചം     മലയാളവിഭാഗവും ഒ വി വിജയൻ ഫൗണ്ടേഷനും സംയുക്തമായി ഒ വി വിജയൻ സ്മാരക പ്രഭാഷണം സംഘടിപ്പിച്ചു. ഒ വി വിജയന്റെ സാഹിത്യപ്രപഞ്ചത്തെപ്പറ്റി ശാന്തിഗിരി ആശ്രമം ഓർഗനൈസിംഗ് സെക്രട്ടറി സ്വാമി ഗുരുരത്നം ജ്ഞാനതപസ്വി പ്രഭാഷണം നടത്തി

സംവാദ മത്സരം കേരളപ്പിറവിയോട് അനുബന്ധിച്ച് മലയാളവിഭാഗം അസോസിയേഷൻ സംവാദമത്സരം സംഘടിപ്പിച്ചു. കോളേജിലെ വിവിധ വിഭാഗങ്ങളിലെ കുട്ടികൾ പങ്കെടുത്തു.